ನಿಶ್ಚಯವಾಗಿದೆ ... ನನ್ನೊಳಗಿನ ಕನಸಿನ ಲೋಕಕ್ಕೆ ಕಾಲಿಡಲು
ಸುಮ್ಮನೆ ಒಳಗೆ ಬಂದು ಬಿಡು
ನನ್ನೆದೆಯ ಚಿತ್ತಾರಗಳನೆಲ್ಲ ಹರವಿದ್ದೇನೆ 
ಬರೆದುಬಿಡು ನಿನಗಿಷ್ಟವಾದ ಚಿತ್ರವನ್ನ .. 
ಒಂದಾಗಿಬಿಡಲಿ ನಮ್ಮಿಬ್ಬರ ಕನಸುಗಳು .. 
ಹೂಗಳ ಇಟ್ಟಿದ್ದೇನೆ .. ಅಲಂಕರಿಸಿಬಿಡು .. 
ನಿನಗಿಷ್ಟವಾದ ಬಣ್ಣಗಳ ಜೊತೆ .. 
ಏಳು ಬಣ್ಣಗಳೂ ಒಂದುಗೂಡಲಿ 
ನಮ್ಮಿಬ್ಬರ ಕನಸುಗಳಿಗೆ ... 
ನಿನಗಾಗೆ ಕಾದಿರುವ ಕನಸಿನ ಲೋಕವಿದು 
ಪ್ರವೇಶವಾಗಿಬಿಡಲಿ ನಿನ್ನ ಬಲಗಾಲಿಟ್ಟು .. 
ನನ್ನ ಕನಸಿನ ಲೋಕದೊಳಗೆ .. 
 ಪುಳಕಗೊಂಡುಬಿಡಲಿ  .. ನಿನ್ನ ಕಾಲ್ಗೆಜ್ಜೆ ಸದ್ದಿಗೆ
ನನ್ನೆಲ್ಲ ಕನಸುಗಳು ... 
ನಿನಗಾಗೆ ಕಾದಿರುವ ಕನಸುಗಳಿವು ..