ಮೊನ್ನೆ ಚೂರು ಹರಿದಿತ್ತು ..

ಎಷ್ಟೋ ವರ್ಷಗಳಿಂದ ನನ್ನ ಅಪ್ಪಿದ್ದ ಆ ಹಳೆಯ ಚಾದರ 

ಅದೆಂತದೋ ಆಪ್ತತೆ ..ನನಗೂ ಅದಕೂ ..

ನನ್ನ ರಾತ್ರಿಗಳ ನಿತ್ಯ ಸಂಗಾತಿ ..

ಎಷ್ಟೋ ಕನಸುಗಳ ಬೆಚ್ಚಗಿರಿಸಿ ...ಕಣ್ಣೀರುಗಳ ಒರೆಸಿ ..

ನನ್ನ ಜತೆಗಿತ್ತದು ..

ಬಣ್ಣ ಮಾಸಿ ಹಳೆಯದಾಗಿದ್ದರೂ ಹೊಸದರ ಮೇಲೆ ಮನಸಾಗುತ್ತಿಲ್ಲ 

ಒಂದು ದಿನ ತೆಗೆದಿರಿಸಿ ಮತ್ತೆ ಅದನ್ನಪ್ಪಿದ್ದೆ 

ಅದಾದರೂ ಎಷ್ಟು ದಿನ ತಡೆದೀತು ??

ದಿನ ದಿನವೂ ನನ್ನ ಕಾಲಡಿಗೆ ಸಿಗುವ 

ಆ ಚಾದರ ...ಎರಡಾಗುವ ಮೊದಲು ಬಿಡಬೇಕು ...

ಏನಾಗಲಿ ಇವತ್ತೊಂದಿನ ....

ನಾಳೆ ಬದಲಿಸಿದರಾಯಿತು ....  

ಮುಸ್ಸಂಜೆ

ಪ್ರತೀ ಮುಸ್ಸಂಜೆ ನಿನ್ನನಗಲುವ ವಿರಹದ ಸಮಯ 

ದಿನವೆಲ್ಲ ಕಣ್ಣಲ್ಲಿ ಕಣ್ಣಿಟ್ಟು ನಿನ್ನ ನೋಡಿ 

ಮುಸ್ಸಂಜೆಯಾಗಲು ವಿರಹ ವೇದನೆ 

ಹೋಗುವ ಮೊದಲೊಮ್ಮೆ  ನೋಡೋಣವೆಂದರೆ 

ತುಂಟ ಮೋಡಗಳ ಕೀಟಲೆ ..ನಿನ್ನ ಮರೆಮಾಚಿ 

ಹಕ್ಕಿ ಪಿಕ್ಕಿಗಳ ಕಲರವ ನೀ ಹೋಗುವ ಸಮಯ 

ಗಾಳಿಗೂ ವಿರಹದ ನಿಟ್ಟುಸಿರು ...ಮೆಲ್ಲನೆ ಮೇಲೇರಿದೆ 

ತುಂಡು ಮೋಡಗಳ ಚದುರಿಸಲು..

ಅಲ್ಲಲ್ಲಿ ಅಡಗಿ ಕುಳಿತ ನಕ್ಷತ್ರಗಳ ಸಾಲು ..

ಇದನ್ನೆಲ್ಲಾ  ನೊಡುತ್ತ ಉಳಿದೆ ನಾನು ಅಲ್ಲೇ ...

ಮುಂದೆನಾಗುವುದೂ ಎಂದು ...

ಚಂದಿರನ ಮುಖ ರಂಗು ಚೆಲ್ಲಿ ..

ಖುಷಿಯಿಂದ ಮುಗುಳ್ನಗುತ್ತಿದ್ದ ......