ಮುಸ್ಸಂಜೆ ಹೊತ್ತು

ಮುಸ್ಸಂಜೆಯ ಹೊತ್ತು ,

ನೆನಪುಗಳು ಕಾಡುವ ಹೊತ್ತು.

ಹೃದಯ ಬುಟ್ಟಿಯ ತುಂಬಾ ಮಾಗಿದ ಸಿಹಿ ನೆನಪುಗಳು

ಕಾಡುವ ಹೊತ್ತು ಈ ಮುಸ್ಸಂಜೆಯ ಹೊತ್ತು.

ಕಣ್ಣ ನೋಟ ತುಂಬ ಕಾಣುವ ಸಿಹಿ ಕನಸುಗಳು

ಮನಸ ಮೂಲೆಯ ಬದಿ ನೋವಿನ ನನಸು ,ಕಾಡುವ ಹೊತ್ತು

ಈ ಮುಸ್ಸಂಜೆಯ ಹೊತ್ತು .

ಸಿಹಿ ಕನಸುಗಳ ಜೊತೆಗೆ ಬಾವಗಳ ತುಳುಕಾಟ

ಕಹಿ ನನಸುಗಳ ಪಾಲಿಗೆ ದುಃಖಗಳ ಮುಲುಗಾಟ,

ಕಾಡುವ ಹೊತ್ತು ಈ ಮುಸ್ಸಂಜೆ ಹೊತ್ತು .

ಹೊತ್ತು ಕಳೆದಂತೆ ಮುಗಿಯುವ ಮಾಗಿದ ಸಿಹಿ ನೆನಪುಗಳು

ಯಾರಿಗೂ ಬೇಡದೆ ಉಳಿಯುವ ಕಹಿನೆನಪುಗಳು

ಮತ್ತೆ ಮತ್ತೆ ಕಾಡುವವು ಈ ಮುಸ್ಸಂಜೆ ಹೊತ್ತು